المرأة والتديّن

لماذا العناية بالمرأة؟؟

نحنا بنعتنى بالمرأة أكثر من الرجل، لأنها هي المركز، البيقوم عليهو المجتمع.. يعني أهميتها في المجتمع، زى أهمية القلب في الجسد، ولأنو الرجل يتأثر بيها، فهي لما تعرف، القيم الكريمة، بتنشيء أطفالها عليها، وتحمل زوجها على التزامها، وبرضو ممكن، تغري بيها الرجل، وهو غريب عليها، في جميع مسالك الحياة..

الثورة النسائية:

النساء أصلو ما يفتكرن إنو ممكن يكونن قاعدات ساكت، ويجوا الرجال، يقولوا ليهن، أهي دي حقوقكن، ونحن خلاص قررنا نحرركن، وحنبدأ في تكريمكن..دا ما بيحصل، لازم تكون في الثورة.. والثورة النسائية، البنتكلم عنها نحنا دائما، كأنها بتتلخص في قولتنا: "العبادة المجودة تبرز المرأة العفيفة". فالعبارة دي: لما تكون شعارات، بشرط مع العمل.. يعني النساء، يمسكن فيها بقوة، ويلتزمن بيها، عشان يبرزن القيم فيهن.. بيجبرن الرجال على احترامن، وبدوهن حقوقن، ودي هي الثورة..