هلاوي: هل أي موقف يقيفوا القضاة الشرعيون من الدين تجاهنا بكون أحسن من أي موقف نقيفوا نحن تجاهم ومهما كان؟
الشاهد: السؤال ما واضح "هلاوي يكرر السؤال"
الشاهد: كل واحد مسئول عن موقفو وهو بمثل شخصو هو.
القاضي: "يطلب توضيح السؤال"
الشاهد: نظريتهم وحكمهم هو رأي سليم مية المية تجاهكم ومهما كان وهذا هو رأي المسلمين في البلد.
هلاوي: لو في رجل رأى منكر وبدأ يغيره بلسانه ده جهاد ولاَّ ضرر للوطن؟
الشاهد: ما في شك هو ليهو أجر. ده نوع من الجهاد.
هلاوي: لو كان الرجل دا بيعمل ضد كافر والكافر إستعان عليهو بمسلم، ما رأيك في هذا المسلم؟
الشاهد: ضعيف الإيمان.
هلاوي: هل الضعيف الإيمان قيمتو قليلة ولا كثيرة؟
الشاهد: الرسول يقول في كل خير.
هلاوي: في رجلين. واحد ضعيف الإيمان والتاني كثير الإيمان هل بتساووا؟
الشاهد: طبعاً ما بتساووا.
هلاوي: رأيك شنو في رأي القضاة الشرعيين في حكم الانجليز؟
الشاهد: ديل كانوا مقهورين زيهم وزي الناس.
هلاوي: كانوا ضعيفين الايمان ومقهورين. طيب إنت رددت كتير أن الجمهوريين ما بصلوا الجمعة هل بتجزم على الكلام ده؟
الشاهد: نعم أجزم لأنهم مرة حضروا المسجد. وبعد الخطبة مباشرة خرجوا ولم يصلوا.
هلاوي: ما في احتمال تاني لخروجهم؟ مثلاً إنهم ما دايرين يصلوا وراك؟
الشاهد: لا يوجد احتمال.
هلاوي: ما يجوز إنك هاجمتهم قبل الصلاة لذلك زعلوا ورفضوا يصلوا خلفك؟
الشاهد: ما في إحتمال زي ده.
القاضي: إذا إنت في زول بتهاجمو في الخطبة ما ليهو حق ما يصلي خلفك؟
الشاهد: ليهو حق.